Jólin 2015

Óskum ykkur öllum gleðilegra jóla og farsældar á komandi ári. Þökkum samstarfið á árinu sem er að líða.

Landnemaskóli 2

Mjög mikilvægt og spennandi námskeið.Við erum með styrk til að halda tvö námskeið á Snæfellsnesi, sem byrja með stuttum kynningarfundi fyrir áramót, og verða svo kennd 2x í viku eftir áramót. Þátttakendur þurfa að skrá sig fyrir 15. desember (staðsetning ræðst af því hvar þátttakendur búa).
Látum fagnaðarerindið berast. Marhópurinn er Snæfellingar af erlendu bergi brotnu sem geta bjargað sér í íslensku en vilja læra meira + um samfélagið á Íslandi. Þekkir þú einhvern sem þessi lýsing gæti passað við?

opinn viðtalstími á ráðhúsloftinu í Stykkishólmi miðvikudaginn 2.desember frá kl. 13 - 15

Minni á opinn fundartíma Svæðisgarðs á ráðhúsloftinu í Stykkishólmi miðvikudaginn 2. desember frá kl. 13 - 15. Heitt á könnunni og allir velkomnir. Þau mál sem liggja efst á skrifborðinu þessa dagana eru Landnemaskóli 2 (samvinnuverkefni með Símenntun Vesturlands og markaðs-og kynningafulltrúum á Snæfellsnesi), mjög spennandi tækifæri fyrir nýbúa sem geta bjargað sér á íslensku en vilja læra meiri íslensku og að auki meira um samfélagið á Snæfellsnesi. Mikið hagsmunamál fyrir einstaklinga, fyrirtæki og samfélagið allt. Eins er verið að vinna að Stefnumóti á Snæfellsnesi en Svæðisgarðurinn leiðir það samvinnuverkefni. Einn viðburður verður haldinn á mánuði, næstu 12 mánuðina. Sá fyrsti er opið hesthús á Brimisvöllum 20. desember n.k. Þar verður teymt undir börnum, markaður með handverk og mat beint frá framleiðanda, gleði og samvera. Við hvetjum Snæfellinga til að fjölmenna. Gefum samveru. Eins er hægt að fræðast um vetrarverkefni í ferðaþjónustu, gæðamerki ofl. spennandi. Verið velkomin