Drápuhlíðarfjall – brosir blítt við þeim sem eiga leið hjá
„Á Drápuhlíðarfjall er stutt og auðveld ganga. Frá tindinum má sjá búsetulandslag og Breiðafjörð í norðri en hraunbreiður og hærri tinda til suðurs.“
Drápuhlíðarfjall (527 m) brosir blíðlega við þeim ferðalöngum sem eiga leið hjá því. Bergefni fjallsins er líparít (rýólít) og er fjallið því afar litskrúðugt með gylltum, rauðum, bláum, gráum og grænum litum sem myndast náttúrulega í berginu.
Áður fyrr trúðu menn því að gull væri að finna í fjallinu og að það skýrði gyllta litinn, en rannsóknir leiddu síðar í ljós að þar var ekki að finna gull í neinu vinnanlegu magni.
Auðvelt er að ganga á fjallið ef að gönguleiðinni er fylgt. Frá tindinum má sjá búsetulandslag og Breiðafjörð í norðri en hraunbreiður og hærri tinda til suðurs. Við fjallsræturnar er bílastæði og þaðan er hægt að ganga á fjallið. Gönguleiðin liggur yfir mýrar og skriður í byrjun en einnig er hægt að ganga umhverfis vatnið. Í góðu veðri er hægt að sjá alla litadýrðina sem einkennir fjallið.
Snæfellsnes hreyfir við öllum sem hér dvelja, hvort sem um lengri eða skemmri tíma er að ræða. Hér eru þekkt náttúruundur á borð við Kirkjufell, Breiðafjörð með sínum óteljandi eyjum, og Snæfellsjökul. Á Snæfellsnesi er… Sjá meira
Snæfellsjökull hefur verið rithöfundum, myndlistarmönnum og fleiri listamönnum innblástur í gegnum tíðina, og margir telja sig hafa fundið fyrir dularkröftum hans. Ein skáldsaga Nóbelsverðlaunahafans Halldórs Kiljan Laxness heitir Kristnihald undir jökli, og gerist í litlu… Sjá meira
Snæfellsnes er þekkt fyrir fjölbreytt lífríki. Fengsæl fiskimið í Faxaflóa og Breiðafirði hafa löngum verið dýrmætasta matarkista landsins sem heimamenn og fleiri hafa sótt í allt aftur til landnáms. Snæfellsnes er paradís fyrir þá sem… Sjá meira
Snæfellsjökulsþjóðgarður var stofnaður þann 28.júní 2001. Hann þekur um 170 ferkílómetra2 á vestasta hluta Snæfellsness. Hann dregur nafn sitt af megineldstöðinni og jöklinum Snæfellsjökli sem er hjarta þjóðgarðsins. Tilgangur þjóðgarðsins er að standa vörð um… Sjá meira