Snæfellsjökulsþjóðgarður
“Þjóðgarðurinn og friðlöndin standa vörð um hið einstaka landslag á svæðinu”.
Snæfellsjökulsþjóðgarður var stofnaður þann 28.júní 2001. Hann þekur um 170 ferkílómetra2 á vestasta hluta Snæfellsness. Hann dregur nafn sitt af megineldstöðinni og jöklinum Snæfellsjökli sem er hjarta þjóðgarðsins.
Tilgangur þjóðgarðsins er að standa vörð um einstakt landslag, sögulegar minjar frá byggð á svæðinu, vistkerfi gróðurs og dýralífi þess. Samhliða því á þjóðgarðurinn að bjóða gesti velkomna á þetta einstaka svæði og auðvelda þeim aðgengi að því.
Jökullinn sjálfur er svo helsta einkennistákn svæðisins og sést víða að. Hann er virk megineldstöð sem hefur mótað landslagið með mosavöxnum hraunbreiðum, gígum, hraunhellum, svörtum sandfjörum og sjávarhömrum sem iða af fuglalífi. Sjávarminjar tengdar verbúðalífi fyrri alda finnast einnig í þjóðgarðinum.
Ýmsa hella má finna í þjóðgarðinum. Sönghellir er líkt og nafnið bendir til þekktur fyrir einstaklega þýðan hljómburð. Vatnshellir er 8.000 ára gamall hraunhellir í suðurhluta þjóðgarðsins, sem hefur fengið góða innviðauppbyggingu og hægt er að heimsækja í leiðsagðri ferð.
Fuglalíf þjóðgarðsins einkennist af sjávarfuglum. Langvía, álka, fýll, rita, og toppskarfur eru meðal algengustu sjófuglanna í þjóðgarðinum. Máfar finnast víða og þeir algengustu í þjóðgarðinum eru svartbakur, sílamáfur, silfurmáfur og hvítmáfur.
Víða má heyra fuglasöng vaðfugla eins og lóu, spóa, þúfutittlings, snjótittlings og steindepils. Sem dæmi um aðra algenga fugla sem má nefna eru maríuerla, tjaldur, sandlóa, sendlingur, hrafn og rjúpa. Í hraungjótum má oft sjá skógarþresti. Að vori og hausti eru fjöldamargir farfuglar sem koma hér í stuttan tíma, þeirra á meðal margæs, snípan og rauðbrystingurinn.
Einnig eru refir, minkar og hagamýs í þjóðgarðinum. Sé gengið meðfram strandlengju þjóðgarðsins má búast við að sjá seli – bæði landseli og útseli – en þó ekki stórum hópum. Það er gnótt lífs í fjörupollum sem verða eftir þegar fjarar út. Sá sem gengur um fjörurnar með vökulu auga getur séð snigla, rækjur, smáfiska og krabba. Smáhvalir eins og háhyrningar, hrefnur og hnísur eru algeng sjón úti fyrir ströndum Snæfellsness
Þjóðgarðsmiðstöðin á Hellissandi og gestastofan á Malarrifi eru með sýningar sem gefa innsýn í undraveröld þjóðgarðsins. Í þjóðgarðinum starfa landverðir sem geta veitt góð ráð og ábendingar og bjóða upp á fræðslugöngur.
Snæfellsnes hreyfir við öllum sem hér dvelja, hvort sem um lengri eða skemmri tíma er að ræða. Hér eru þekkt náttúruundur á borð við Kirkjufell, Breiðafjörð með sínum óteljandi eyjum, og Snæfellsjökul. Á Snæfellsnesi er… Sjá meira
Snæfellsjökull hefur verið rithöfundum, myndlistarmönnum og fleiri listamönnum innblástur í gegnum tíðina, og margir telja sig hafa fundið fyrir dularkröftum hans. Ein skáldsaga Nóbelsverðlaunahafans Halldórs Kiljan Laxness heitir Kristnihald undir jökli, og gerist í litlu… Sjá meira
Snæfellsnes er þekkt fyrir fjölbreytt lífríki. Fengsæl fiskimið í Faxaflóa og Breiðafirði hafa löngum verið dýrmætasta matarkista landsins sem heimamenn og fleiri hafa sótt í allt aftur til landnáms. Snæfellsnes er paradís fyrir þá sem… Sjá meira
Drápuhlíðarfjall (527 m) brosir blíðlega við þeim ferðalöngum sem eiga leið hjá því. Bergefni fjallsins er líparít (rýólít) og er fjallið því afar litskrúðugt með gylltum, rauðum, bláum, gráum og grænum litum sem myndast náttúrulega… Sjá meira